Мемлекеттік кірістер комитеті 15 қыркүйекте жалпыға бірдей декларациялаудың екінші кезеңінің декларациясын электронды тапсыру мерзімі аяқталады
Биыл активтер мен міндеттемелер туралы декларацияны (250.00-нысан) мемлекеттік мекеме, бюджеттік ұйымдар және квазимемлекеттік сектор субъектілерінің штаттық қызметкерлері, сондай-ақ олардың жұбайлары алғаш рет табыс етеді.
Мұндай ұйымдарға азаматтық-құқықтық сипаттағы шарт бойынша қызмет көрсететін жеке тұлғалар және олардың жұбайлары (мұндай ұйымдардың штаттық қызметкері еместер) 2023 жылы декларацияны табыс етпейді.
Декларацияны «Салық төлеушінің кабинеті» (cabinet.salyk.kz), «электронды үкімет» порталы (egov.kz) көмегімен және e-Salyq Azamat, eGov mobile, Halyk мобильді қосымшасы арқылы тапсыруға болады.
Жеке тұлғалар декларацияны тұрғылықты жерінде табыс етеді.
Активтер мен міндеттемелер туралы декларацияны тапсырудың толық нұсқаулығы видеода.