Алматылық "Қайраттың" шабуылшысы Дастан Сәтпаев Мадридтік "Реалмен" өткен Чемпиондар лигасы ойынынан кейін командаға не жетпегенін айтты, деп хабарлайды Aqshamnews.kz тілшісі
Бұл туралы 17 жастағы вундеркинд матчтан кейінгі сұхбатында мәлімдеді.
"Менің ойымша, физиканың да әсері бар болуы мүмкін. Бірақ ең бастысы бізге халықаралық тәжірибе жетіспеді. Біз мұндай деңгейдегі мықты қарсыластармен жиі ойнамаймыз. Сондықтан меніңше бізге тәжірибе ғана жетпегендей көрінді", - деді Сәтпаев Qazsport арнасындағы матчтан кейінгі сұхбатында.
Алматыда өткен тарихи кездесуде "Қайрат" мадридтік клубқа қарсы алаңға шықты. Нәтижесінде қазақстандық команда бес жауапсыз гол жіберді.
17 жастағы форвард матчта 80 минут ойнады. Соңғы 10 минутта оның орнына бразилиялық шабуылшы Рикардиньо шықты. Сәтпаев ойын барысында 3 соққы жасады (1 - қақпаға дәл), 10 пас (7 - дәл). Дегенмен ол 5,7 ұпаймен "Қайрат" сапындағы ең төмен баға алған ойыншы болды. Қысқасы, Орталық стадиондағы тарихи матчта Дастанның ойыны жүрмеді.
скриншот: flashscorekz.com