ДСМ азаматтарға дәрі-дәрмектің шекті бөлшек сауда бағасын бақылау үшін Dari.kz мобилдік қосымшасын пайдалануды ұсынады.
Бұл өмірлік маңызды дәрі-дәрмектерге баға белгілеудің қолжетімділігі мен әділдігін қамтамасыз етуге мүмкіндік береді, деп хабарлайды aqshamnews.kz
Dari.kz қалай жұмыс істейді?
Dari.kz қосымшасының көмегімен пайдаланушылар бағаның қымбаттағаны туралы оңай және жылдам хабарлай алады. Бұл үшін:
1.Дәрі-дәрмектің түбіртегі мен қаптамасының суретін жүктеу қажет.
2.Медициналық және фармацевтикалық бақылау комитетінің аумақтық департаменттеріне автоматты түрде жіберілетін өтініш жіберу керек.
Қосымша сонымен қатар дәрі-дәрмектерді қолданғаннан кейін пайда болған жанама әсерлер туралы хабарлауға мүмкіндік береді. Бұл дәрі-дәрмектердің сапасын бақылауды жақсартуға көмектеседі.
Денсаулық сақтау министрлігі белгіленген шекті бөлшек сауда бағасынан асып кеткені үшін айыппұлдар көзделгенін еске салады.
Әкімшілік құқық бұзушылық туралы кодекстің 426-бабының 1-бөлігіне сәйкес мынадай айыппұлдар көзделген:
Жеке тұлғалар: 70 АЕК.
Лауазымды тұлғалар: 100 АЕК.
Шағын кәсіпкерлік субъектілері: 130 АЕК.
Орта кәсіпкерлік субъектілері: 200 АЕК.
Ірі кәсіпкерлік субъектілері: 1000 АЕК.
Dari.kz қосымшасын тегін жүктеп алуға болады.