Денсаулық сақтау вице-министрі Тимур Сұлтанғазиевтің мәлімдеуінше,енді дәрігерлерді ұрып-соққандар 12 жылға сотталуы мүмкін, деп хабарлайды aqshamnews.kz
Вице-министрдің сөзінше, ведомство заң жобасын күздің соңына дейін қабылданады деген болжам бар.
«Біріншіден, медицина қызметкерлеріне олардың кәсіби міндеттерін орындау кезінде шабуыл жасау бойынша жеке бап енеді. Екіншіден, жаза қатаңдайды, айыппұл мөлшерінен бастап бас бостандығынан айыру мерзіміне дейін жаза күшейеді», – деді Сұлтанғазиев.
Ол атап өткендей, медицина қызметкерін ауыр жаралағандар 12 жылға дейін бас бостандығынан айырылуы мүмкін.