Алматыда қала әкімі Дархан Сатыбалдының төрағалығымен «Таза Қазақстан» экологиялық бағдарламасын жүзеге асыруға қатысты кеңес өтті. Нақты нәтижелер, қалалық ортаны жақсарту бойынша жүйелі шаралар және коммуналдық қызметтерден бастап қала тұрғындарына дейін үдеріске қатысатындардың барлығының жеке жауапкершілігін арттыру талқыланды.
Кеңес барысында қаланың сегіз ауданында санитарлық тазалау, абаттандыру және экологиялық ағарту жұмыстары қорытындыланды. Ауаның ластануын төмендетуге, көлік және өндіріс орындарын бақылауға, өзендер мен каналдар арналарын тазартуға, сондай-ақ тұрақты жасыл қорды қалыптастыру жөніндегі практикалық шараларға ерекше назар аударылды.
Дархан Сатыбалды «Таза Қазақстан» - бұл бір реттік акция емес, барлық тараптың тәртіпті, бақылауды және көпшілікті жұмылдыруды талап ететін ұзақ мерзімді саясат екенін атап өтті. Ол қаладағы тазалық пен тәртіп есеп берумен емес, күнделікті шешімдерден - басқару деңгейінен, әр аула мен кіреберістегі тазалықтан басталатынын айтты.
Күн тәртібі бойынша тұрғындарға қалалық ортаның түйткілді мәселелері туралы тікелей хабарлайтын TazaQazBot онлайн-платформасының жұмысы қаралды. Әкім цифрлық құралдар статистикаға емес, нәтижеге жұмыс істеуі тиіс екенін атап өтіп, жедел кері байланыстың маңыздылығын және азаматтардың өтініштеріне немқұрайлы қарауға болмайтыны айтты.
Кеңестің жеке блогы бағдарламаны ақпараттық сүйемелдеуге арналды. Жиынға қатысушылар түсіндіру жұмыстарының тиімділігін, бұл іске жұртшылықты, жастар мен бизнесті тартуды, сондай-ақ қалалық ортада экологиялық мәдениет пен жауапты мінез-құлықты қалыптастыру жөніндегі іс- шараларды талқылады.
Кеңес қорытындысы бойынша бейінді басқармалар мен аудан әкімдіктеріне нақты тапсырмалар берілді. Ведомствоаралық өзара іс-қимылды күшейтуге, экологиялық талаптардың орындалуын жүйелі бақылауға және бірреттік іс-шаралардан тұрақты шешімдерге нақты көшуге баса назар аударылды.