Әзірге қазақстандық боксшы екінші дәрежелі белбеуді иеленуге тырысады
Рио-де-Жанейро Олимпиадасының чемпионы Данияр Елеусінов кәсіпқой бокс әлемінде жасындай жарқырап жүргені мәлім. Енді ол толыққанды әлем чемпионы атағына таласады, деп хабарлайды Almaty-akshamy.kz
Жартылай орта салмақ дәрежесінде бақ сынап жүрген ол енді IBO тұжырымы бойынша әлем чемпионы белбеуі сарапқа салынатын жекпе-жек үшін рингке көтеріледі.
Даниярдың бұл кездесуі 18 желтоқсан күні «Нұр-Сұлтан» қаласындағы «Jekpe-Jek» спорт кешенінде өтеді. Бұл бокс кешінде қазақстандық таңдаулы шеберлер рингке көтерілмек. Даниярдың қарсыласы кім болатыны әзірге белгісіз. Әрине, әзірге қазақстандық боксшы екінші дәрежелі белбеуді иеленуге тырысады. Одан кейін негізгі тұжырымдар бойынша әлем чемпионы атануға күш салмақ.