Штамм «дельтакрон» деп аталды.
Британдық эпидемиологтар SARS-COV-2 вирусының мутацияланған жаңа штамының пайда болғанын хабарлады, деп хабарлайды Almaty-akshamy.kz Қазақстанда коронавирустың таралуына жол бермеу жөніндегі ВАК-ға сілтеме жасап.
Ғалымдардың айтуынша, геномда «омикрон» штамында да, «дельта» штамында да бар элементтер табылған. Осылайша штамм «дельтакрон» деп аталды. Зерттеушілер мутация бір уақытта екі штамды жұқтырған адамда пайда болды деп болжайды. Сарапшылар дүрбелеңнің қажеті жоқ деп санайды, жаңа штаммен инфекция жағдайлары өте аз, ал популяцияда «дельтаға» да, «омикронға» да ұжымдық иммунитет жартылай қалыптасқан.
«Коронавирустың жаңа штамдарының пайда болуымен күресу үшін бізге барлық белгілі және ықтимал қауіпті штамдарға қарсы поливалентті вакциналар қажет. Егер біз тұмау вирусын мысалға алсақ, қазір төрт валентті вакциналар кеңінен қолданылады: А вирусының екі серотипіне және В вирусының екеуіне қарсы», - деді Мәскеу физика-техникалық институтының геномдық инженерия зертханасының жетекшісі Павел Волчков.
Сонымен қатар вирусолог қолданыстағы вакциналардың негізінде жасалған жаңа екпелерді тіркеу және сынақтан өткізуді жеңілдетуге шақырды. Қазіргі уақытта екпе әзірлеу және тіркеу алты айдан бір жарым жылға дейін жүргізіледі.