Мақсат ХАЛЫҚ, экономист:
– Мемлекет басшысының «Самұрық-Қазына» АҚ жұмысын қайта қарау туралы айтқаны орынды. Қандай да бір іс ол – мемлекетке пайдалы болуы тиіс. Мемлекеттің артында халықтың мүддесіне сай шешімдер тұрары анық. Сондықтан қаржы ұйымдарының жұмысын оңтайландыру қажет. Керек болған жағдайда ұлттық компанияларды сала министріліктеріне берсе, құптарлық іс.
Дәп қазіргі жағдайда ең тиімді жол осы. Әрине, тиімді менеджер бола ала ма деп айтатындар табылады. Десе де, бүгінгідей жағдайда оңтайлы жұмыс істей білген абзал. Бұл тығырықтан шығатын бірден бір бағыт. Біз монополиядан бас тартып, нарықта жаңа компаниялардың алға шығуына септесейік.
Экономикада шынайы бәсеке болса, ел өркендейді. Қаржылық қиындықтар артта қалары хақ.