1 ақпаннан бастап Қазақстанда сыра мен сыра өнімдеріне міндетті цифрлық таңбалау енгізілді, деп хабарлайды Aqshamnews.kz тілшісі.
Жаңа талапқа сәйкес, осы күннен кейін өндірілген бөтелкедегі және бөшкедегі сыра өнімдерінің барлығы Data Matrix коды арқылы таңбалануға тиіс.
Таңбаланбаған сыраны өндіруге және импорттауға тыйым салынды, ал бұрын шығарылған өнім қалдықтарын бір жыл ішінде сатуға рұқсат етіледі.
Цифрлық таңбалау өндірушілерге, импорттаушыларға және бөлшек сауда орындарының барлығына, соның ішінде дүкендер, барлар мен мейрамханаларға да қолданылады. Сарапшылардың айтуынша, жаңа талап сыра өндірісінің шығындарын 8–12 пайызға арттырып, өнім бағасының қымбаттауына әсер етуі мүмкін.