4 наурызда Дүниежүзілік семіздікке қарсы күрес күні (World Obesity Day) атап өтіледі.
Ол бастапқыда 11 қазан күні атап өтілетін, бірақ 2020 жылдан бастап ол күн өзгертілді, деп хабарлайды Almaty-akshamy.kz.
Егер 20-30 жыл бұрын семіздік проблемасы салауатты өмір салтын ұстанатын және осы тақырыпта сөз қозғайтын жекелеген адамдардың, сондай-ақ диетолог-дәрігерлердің пікір таластыратын тақырыбы болса, бүгінде семіздік пен артық салмағы бар адамдар санының өсуі адамзат денсаулығына елеулі қауіптердің біріне айналды, ол көбінесе жүрек-қан тамырлары және онкологиялық ауруларымен қатар қойылады.
Соңғы жылдары бүкіл әлемде балалар мен жасөспірімдерде семіздік деңгейінің жоғарылауы байқалды, әлемнің дамыған елдерінде жасөспірімдердің 25% - ы артық салмаққа, ал 15% - ы семіздікке шалдыққан. Бала кездегі артық салмақ ересек жастағы семіздіктің маңызды факторы болып табылады, 6 жасында артық салмағы бар балалардың 50% - ы ересек жаста семіздікке ұшырайды, ал жасөспірім кезінде бұл ықтималдық 80% - ға дейін артады. 2030 жылға қарай ДДҰ жалпы адамзаттың 41%-ында артық салмақ болады деп болжап отыр.
Шындығында, семіздік негізінен адамның салауатты өмір салтын бұзу салдарының бірі, бұл одан әрі асқынуларға және басқа да ауыр ауруларға әкеліп отыр.
Бүгінде әлемде артық салмаққа шалдыққандар саны 1 млрд-тан асып кеткен.
Жыл сайын 4 наурызда көзілдірік тағатындардың халықаралық күні атап өтіледі. Яғни, бұл әлемге негізінен көзілдірік арқылы қарайтын адамдардың мерекесі. Айта кететіні, медициналық мәліметтерге сәйкес, жер шарындағы тұрғындардың үштен бір бөлігі көру қабілетінің бұзылуынан әртүрлі дәрежеде зардап шегеді, сондықтан олар көзілдірік киюге мәжбүр.
Сурет: Omskzdes.ru
Бір өкініштісі, бұл көрсеткіш жыл сайын өсіп келеді. Дүние жүзінде егде жастағы адамдардың саны артып келе жатқандықтан ғана емес, жасқа байланысты көру қабілетінің бұзылу қаупі бар, сонымен қатар көз аурулары балаларға көбірек әсер етеді және гаджеттерге «тәуелділік» жасөспірімдердің көру қабілетінің нашарлауына әкеледі. Статистикаға сүйенсек, әлемде әр бес секунд сайын бір ересек адам соқыр болады. Әр минут сайын - бір бала. Дейтұрғанмен, көздің көрмей қалу жағдайларының көбін уақтылы емдеу арқылы болдырмауға болады. Сондықтан бүгінгі күн көзілдірік тағатындардың «кәсіби» мерекесі ғана емес, сонымен қатар, көру қабілетін сақтау және соқырлықтың алдын алу үшін алдын алу шараларының маңыздылығын еске салудың тағы бір себебі болып отыр.