Алматыда жаңа Конституция жобасы бойынша өткен республикалық референдумда алғаш рет дауыс бергендердің қатарында НЗМ «Медеу» мектебінің 12-сынып оқушысы Арсылан Асқарұлы да болды, – деп хабарлайды aqshamnews.kz тілшісі.
Ол №201 референдум учаскесінде таңдау жасады.
Жас алматылықтың айтуынша, алғашқы рет дауыс беру оның өміріндегі ерекше сәттің бірі болды.
«Бүгін мен алғаш рет дауыс бердім. Бұл мен үшін өте маңызды әрі толқынысқа толы күн», — деді жуырда 18 жасқа толған Арсылан Асқарұлы.
Осы күні Алматыда кәмелет жасына енді ғана толған көптеген жас алғаш рет дауыс беру құқығын пайдаланды.
Айта кетейік, қалада республикалық референдум өткізу үшін барлығы 653 учаске ашылған. Олар күні бойы тұрғындарды қабылдап, дауыс беруге мүмкіндік берді.