Бүгін – онкүндік Наурызнаманың ұлттық спорт күні. Дәл осы мезетте қазақтың менмін деген атбегілері Ордабасыда жүйріктерін жаратып, аламанға ат қосқалы жатыр. Себебі бірер сағаттарда Шымкентте бәйгеден ел біріншілігінің алғашқы кезеңі басталады, деп хабарлайды aqshamnews.kz
Дала дүбірінде құнан 7 шақырым, ұшқыр аттар 5 шақырымға шабады.
Сондай-ақ 12 шақырым қашықтыққа арналған топ бәйге, сосын 18 шақырымға аламан өтеді.
Жарыстың жалпы жүлде қоры - 22 миллион теңге.
Шымкенттегі айтулы жарыстан кейін араға бір ай салып Қызылорда, Талдықорған, Көкшетау, Семей, Павлодар, Ақтөбе қалаларында ел чемпионатының іріктеу кезеңдері жалғасын табады. Оза шапқан жүйріктер финалға жолдама алады.
Финалдық бәсеке 28 қыркүйек күні Таразда өтеді.