Ауаның ластануына қолайсыз метеорологиялық жағдайлар әсер етуде.
Бүгін Алматыда жайсыз метеорологиялық жағдай қалыптасып, ауа ластанады, деп хабарлайды Аlmaty-akshamy.kz «Қазгидромет» РМК-на сілтеме жасап.
«2023 жылғы 8 қаңтарда Алматы қаласында қолайсыз метеорологиялық жағдайлар қалыптасуы ықтимал», - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.