20 қарашада Бразилияның Белен қаласында өтіп жатқан COP30 климат саммитінде өрт шығып, қатысушылар шұғыл түрде ғимараттан эвакуацияланды, - деп хабарлайды Аqshamnews.kz тілшісі Reuters-ке сілтеме жасап.
Оқиға 2025 жылғы 20 қарашада саммиттің «Көк аймағында» (Blue Zone) болған. Өрт шыққан павильоннан адамдар сыртқа шығарылған. Оқиға жедел жеткен өрт сөндірушілер қызыл жалынды толық сөндірген. Қуанышқа орай ешкім зардап шекпеген.
"Өрттің неден шыққаны тергеу барысында анықталады, бірақ мен оның қасақана жасалған қылмыс екеніне күмәнім бар", - деді Бразилияның туризм министрі Селсо Сабино.
Өрт конференциядағы талқылауларға барынша кедергісін келтірген, себебі келіссөздердің соңғы кезеңі жақындап қалған еді.
"COP30-дағы БҰҰ-ның климат жөніндегі жұмысын, халықтық пленарлық отырысты бұзып, келіссөздерге кедергі келтірген өрт, өкінішке қарай, айқын метафораға айналды, - деді АҚШ-тан келген белсенді Джес Веспонте.
Еске салайық, бұған дейін Бразилияның Белен қаласында климаттың өзгеруіне байланысты өткен БҰҰ-ның 30-шы конференциясында 12 елден тұратын топ климаттың өзгеруі туралы декларацияға қол қойғаны хабарланған еді.