Батыс Қазақстан облысы Чапаев ауылдық округінің әкімі Биболат Зейноллин мас күйінде көлік тізгіндеген. Кейін оны полиция ұстады, – деп хабарлайды aqshamnews.kz тілшісі.
"Уральская неделя" басылымының мәліметінше, полиция қызметкерлері әкімді 12 наурызда түнде мас күйде ұстаған.
БҚО полиция департаментінің хабарлауынша, Ақжайық ауданы Чапаево ауылы маңында патрульдік полиция батальонының қызметкерлері мас күйінде көлік жүргізіп жүрген жүргізушіні анықтаған.
"Дерек бойынша ҚР Әкімшілік құқықбұзушылықтар кодексінің 608-бабы бойынша әкімшілік хаттама толтырылып, материалдар сотқа жолданды”, – делінген ресми мәліметте.
Айта кетейік, мас күйінде көлік жүргізу 15 тәулікке дейін әкімшілік қамауға алынуға және 7 жылға жүргізуші куәлігінен айырылуға әкеп соғады.