Директорлар кеңесінің құрамына Тимур Сүлейменов кірді.
Директорлар кеңесінің құрамына Тимур Сүлейменов кірді. Қанат Бозымбаев пен Данияр Ақышев «Самұрық-Қазына» қоры директорлар кеңесі құрамынан шығарылды. Бұл ақпар KASE сайтында жазылған, деп хабарлайды Almaty-akshamy.kz Inbusiness.kz сайтына сілтеме жасап.
«Самұрық-Қазына» ұлттық әл-ауқат қорының жалғыз акционерінің 2022 жылғы 28 қаңтардағы шешіміне сай, компанияның директорлар кеңесінің құрамына келесі өзгерістер енгізілді. Құрамнан Қанат Бозымбаев пен Данияр Ақышев шығарылды. Директорлар кеңесінің құрамына Тимур Сүлейменов кірді», - делінген хабарламада.
Енгізілген өзгерістерді ескерсек, қазіргі директорлар кеңесі алты адамнан тұрады: Джон Дудас, Онг Бун Хви, Лука Сутера, Әлібек Қуантыров, Алмасадам Сәтқалиев және Тимур Сүлейменов.
Айта кетейік, Қанат Бозымбаев 2021 жылдың қараша айынан бастап Алматы облысының әкімі қызметін атқарып келеді, Данияр Ақышев 2019 жылы Нұрсұлтан Назарбаевтың кеңесшісі болып тағайындалды.