Бостандық ауданында инженерлік инфрақұрылымды жаңарту жұмыстары қарқынды жүріп жатыр. Бұл туралы Aqshamnews.kz сайты хабарлайды.
Аудан бойынша 8,9 км су құбыры мен кәріз жүйесі жаңартылды. Сондай-ақ, биыл «Ерменсай» су қабылдағышының құрылысы басталмақ. Бұл жоба ауызсу сапасын жақсартып, тұрғындарды тұрақты сумен қамтамасыз етуге бағытталған.
Жылу жүйесін жаңғырту аясында 5,4 км жылу желісі жөндеуден өтті. Алдағы уақытта бұл жұмыстар жалғасып, 15 жаңа жоба жүзеге асырылмақ.
Аталған инфрақұрылымдық өзгерістер аудан тұрғындарының өмір сапасын жақсартуға, сумен және жылумен қамту қызметтерін тұрақтандыруға мүмкіндік береді.