Алматылы әнші Гарифа Игисинова референдумда дауыс берді
Көпшілікке танымал әнші Гарифа Игисинова Қазақстанда атом электр станциясын салу мәселесі бойынша референдумға қатысты. Әнші елдің болашағы біздің қолымызда екенін атап өтті.
«Еліміздің болашағына қатысты мәселеге қатысу – әрбір азаматтың борышы. Болашақ – біздің қолымызда. Мен еліміз үшін маңызды іс-шараға өз үлесімді қосқаныма қуаныштымын», – деді Гарифа Игисинова.
Еске салайық, бүгін республикалық референдум өтіп жатыр. Алматыдағы сайлау учаскелерінде ғалымдар, жазушылар, актерлер, музыканттар және елдің басқа да танымал тұлғалары қатысты. Дауыс беруге халық әртістері Асанәлі Әшімов, Бибігүл Төлегенова, танымал орындаушылар мен қазақстандық эстрада жұлдыздары Raim, Айқын Төлепберген, Kyle Ruh, KeshYou тобының экс-әншісі Балауса Ерғалиева және басқалар қатысты.