Төрешілер жеңісті бірауыздан қазақстандық боксшыға берді
Бокстан Болгария астанасы Софияда өтіп жатқан «Странджа» кубогінде қазақстандық, әлем чемпионы Бекзат Нұрдәулетов ширек финалға жолдама алды, деп хабарлайды Almaty-akshamy.kz ҚазАқпаратқа сілтеме жасап.
Кіші әлем чемпионаты деп те аталатын айтулы додада Б.Нұрдәулетов 80 келіге дейінгі салмақта түбі ресейлік, Сербия атынан сынға түсіп жүрген Артем Агеевпен жұдырықтасты. Төрешілер жеңісті бірауыздан қазақстандық боксшыға берді.
Тағы бір қазақстандық Кенже Мұратұлы 51 келіге дейінгі салмақта үндістандық Бишвамитра Чонгтхамнан жеңіліп қалды – 0:5.
Еске сала кетейік, бұдан бұрын «Странджа» кубогінде қазақстандық сегіз боксшының шаршы алаңға шығатынын жазған болатынбыз.
Бүгін Оразбек Асылқұлов ¼ финалға жолдама алды.