Белгілі боксшы Жанқош Тұраровқа қатысты қылмыстық іс қозғалды.
Оған адам зорлады деген айып тағылып отыр. 33 жастағы Жанқош Тұраров Қазақстанның кәсіпқой боксшысы.
Осы жағдайға қатысты боксшының өзі Инстаграм парақшасында оған жала жабылып отырғанын айтты.
"Қайдан шыққан жала екенін өзім де түсінбей отырмын, қазір мәселенің мән жайын анықтап, кім қандай жала тағып отырғанын анықтайтын боламын", - деп жазған спортшы Инстаграм әлеуметтік желісінің сториз бөлімінде.
Алматының Полиция департаментінің баспасөз қызметі болса спортшыға қатысты тағылған айыпты растады.
"Әуезов ауданының ПБ қылмыстық іс қозғады, сот-медициналық сараптама тағайындалды".
Тергеу шаралары жүргізіледі деп нақтылады полициядан.
Естеріңізге сала кетейік, бұған дейін кәсіпқой боксшы Жаңқош Тұраров (28-0, 28 КО) келесі жекпе-жегін 28 қыркүйек күні Алматыда өткізетінін хабарлаған болатынбыз.