Бұл туралы Fight Night Global жетекшісі Камил Гаджиев «Итогах недели» жобасына берген сұхбатында айтты, деп хабарлайды aqshamnews.kz.
"Менің жеке пікірімше, Балауса Мұздиман мен Ангелина Лукас арасындағы жекпе-жек өтуі керек. Мен әрқайсысына 50 000 доллар төлеуге дайынмын (әрқайсысына 25 миллион теңге). Әйелдер боксы үшін бұл өте жоғары гонорар. Балаусаның менеджері келісімін берді, енді сөз Ангелина Лукаста. Осы жекпе-жекті ұйымдастырайық. Маған ішкі нарықтағы қарсыласу ұнайды – олар әрқашан үлкен қызығушылық тудырады" - деді лига басшысы.
Еске сала кетейік, бұл екі спортшы өткен жылдың мамыр айында VI жазғы Спартакиада аясында әуесқой бокстан ел чемпионатында жолығып, Балауса Мұздиман 5:0 есебімен жеңіске жетті. Алайда Ангелина Лукас төрешілердің шешімімен келіспей, бұл қарсыластар арасындағы үлкен жанжалға себеп болды.