Әуе компаниясы 31 қаңтар күні Вашингтон штатының Эверетте зауытында соңғы «Боинг-747»-ні клиентіне тапсырды, деп хабарлайды Almaty-akshamy.kz.
«Боинг-747»қалай болғанда да әлемдегі ең танымал ұшақтардың қатарында. Ұшақтың дәурені 54 жыл бойы дүрілдеп тұрды, ол әуе кеңістігінде 1970 жылдан бері танымал.
Бір кездері төрт қозғалтқышты лайнер төңкеріс жасап, тиімділікті арттырып, әуе қатынасын қолжетімді етті. Оның алдындағы Boeing-707 189 жолаушы тасымалдаса, 747 модель бірден 550 орынға сертификатталды, кейінірек олардың саны 660-қа дейін өсті. Оларды өндіру үшін компания Вашингтон штатында жеке зауыт салуға мәжбүр болды.
Бүгінгі таңда әлемде осы үлгідегі 44 жолаушылар лайнері қолданыста. Жалпы «Боинг-747» осы кезге дейін 3,5 миллиард жолаушыны тасымалдаған.
Ұшақ өндірісінің тоқтау себебі, жарты ғасырда техникалық прогресс дамып кетті. Қазір әлемде сыйымдылығы жағынан төрт қозғалтқышты ұшақтарды қуып жеткен, ал тиімділігі жағынан олардан бас-аяғы асып түсетін қос моторлы ұшақтар көп. Бір қызығы, 747-нің негізгі бәсекелесі, еуропалық төрт қозғалтқышты A380 лайнері небәрі 16 жыл бұрын жасалғанына қарамастан, ол да дәл сол себепті енді шығарылмайды.
Boeing қатарындағы жаңа «флагман» 2020 жылы алғашқы рейсін жасаған екі қозғалтқышты кең фюзеляжды 777X лайнері болады.
Дегенмен, Boeing-ты жасап шығарушылар қазіргі қолданыстағы ұшақтарының өзі ұзақ уақыт ұшатынына және жекелеген экземплярлары осы үлгінің 100 жылдық мерейтойына дейін жарайтынына сенімді.