БЖЗҚ-дағы шектен асатын ақшамен кредит төлеу тәртібі өзгерді

Отбасы банк БЖЗҚ ақшасымен қарызды жартылай немесе толық өтеу тәртібін жаңартты. Енді бұл операция екі әдіспен жүзеге асады:

1. Клиент кредит процентін алдымен өз ақшасымен төлейді.
2. Сосын негізгі қарызды БЖЗҚ ақшасымен өтейді.

Осы операцияны орындау үшін банктегі ағымдағы және арнайы шотта жететін қаражат болуы керек. Бұл — шарт.

enpf-otbasy.kz платформасында БЖЗҚ ақшасын пайдаланып қарызды өтеу үшін берілетін өтініштер 30 қаңтардан 2 наурызға дейін қабылданбайды.

30 қаңтарға дейін берілген өтініштер ескі ережеге сай өңделеді.

Ал, БЖЗҚ қаражатын басқа мақсаттарға, мысалы, тұрғын үй жағдайын жақсартуға пайдалану тәртібі өзгермейді.