Мемлекет басшысының жолдауында көпшіліктің назарын аударған маңызды мәселелердің бірі — бейбіт атомды пайдалану.
Бұл мәселеге көпшіліктің қызығушылық танытатыны белгілі. Себебі, алдағы уақытта өндірістің өсуі, демографиялық жағдай, халық санының артуы сияқты факторларға байланысты, мамандардың айтуынша, энергетика саласында тапшылық туындауы мүмкін. Осы тұрғыда бізге атом электр станцияларын салу қажет болуы ықтимал. Біріншіден, бұл экологиялық жағынан қауіпсіз, екіншіден, электр қуатын арзан әрі тұрақты түрде өндіруге мүмкіндік береді.
Президент жолдауында бұл мәселені халықтың талқысына салу туралы айтты. Референдум алтыншы қазанда өтеді, онда АЭС салу керек пе, жоқ па деген сұрақты халқымыз шешеді. Осы референдумда нақты сұрақ қойылып, "Қай елдер АЭС салып жатыр?", "Қай елдің тәжірибесін қолдайсыз?" дегендей нақты талқылаулар болуы керек деп ойлаймын.
Жалпы, президенттің жолдауында елдің өміріне қатысты көп күткен мәселелер мен сұрақтарға жауаптар беріліп жатыр.