Алматы ауруханасында АИТВ жұқтыру жағдайы бойынша қала әкімі пікір білдірді
Бұл туралы қала әкімі Еролат Досаевтың Медеу ауданы тұрғындарымен өткен кездесуде айтты, деп хабарлайды Almaty-akshamy.kz.
Кездесуге келген аудан тұрғындарының бірі:
«Орталық қалалық клиникалық ауруханада сәуір айында пациенттер АИТВ-ны жұқтырған. Сіз бұл туралы қашан білдіңіз? Қандай шаралар қабылданды және тергеу кезінде қалалық денсаулық сақтау бөлімінің басшысы, аурухана басшылығы нге өз орындарында? Бұл нәтижеге қандай да бір түрде әсер етуі мүмкін деп ойлайсыз ба»? - деген сұрақ қойды.
Оған Алматы әкімі Ерболат Досаев:
«Бізде тергеу жоқ, тексеру бар. Денсаулық сақтау министрінің тиісті бұйрығы аясында реанимациядан соң 30 күннен кейін пациенттер тестілерді қайта тапсыруға міндетті. 2 жағдай анықталды ( кейін тағы 1 жағдай анықталды, жалпы саны - 3). Бекітілген регламентке сәйкес қалалық ЖИТС орталығымен бірлесіп жұмыс жүргізілді: барлық реципиенттер, медициналық персонал, реанимацияда болған басқа да пациенттер толық тексерілді. Осыдан кейін регламентке сәйкес 13 маусымда барлық деректер санитарлық-эпидемиялық бақылау департаментіне (ССЭК) берілді. 14 маусымда ССЭК қажетті кезектен тыс тексерулерді тағайындады, олар бойынша бүгінде жұмыс жалғасуда. Кеше Денсаулық сақтау министрлігі аралық нәтижелерді жариялады. Біреуді қызметінен босату үшін алдымен бәрі қайдан шыққанын түсіну керек (инфекция көзі қайда болды). Комиссия жұмысын аяқтаған кезде Денсаулық сақтау министрлігі мен Алматының қоғамдық денсаулық сақтау басқармасы бұл туралы хабарлайды. Біз бәрін бақылауда ұстаймыз»,- деп жауап берді.