Азаматтар 700 теңге тұратын сапасыз ойыншыққа қатысты да өтемақы талап етіп, өз құқықтарын қорғаған, деп хабарлайды aqshamnews.kz
Бұл туралы Тұтынушылардың құқықтарын қорғау комитеті хабарлады.
2025 жылдың алғашқы бес айында тұтынушылардың шағымдары бойынша жалпы сомасы 881,3 миллион теңгеден астам қаражат қайтарылды. Ел азаматтары көбінесе сапасыз тауарларға (автокөліктер, косметика, ұялы телефондар), қызметтердің орындалмауына (шипажай жолдамалары, қоғамдық тамақтану, фитнес, туризм), сондай-ақ рәсімделмеген немесе уақтылы берілмеген жылжымайтын мүлікке шағымданған.
«Қарағанды облысында 45 күннен аса уақыт берілмеген пәтер бойынша шарт талаптарының орындалуы қамтамасыз етіліп, тұтынушы 33,5 млн теңге тұратын жылжымайтын мүлікке қол жеткізді. Семейде қоғамдық тамақтану орнында тұтынушының тапсырысы орындалмай, мекеме әкімшілік жауапкершілікке тартылды», - делінген министрлік таратқан ақпаратта.