Жұмыстың басым бағыттарының бірі қоғамдық қауіпсіздікті қамтамасыз ету болып табылады.
Бүгінгі таңда Алатау ауданында 700 көп қабатты үй орналасқан, ондағы 1237 подъездге 3071 бейнебақылау камерасы орнатылған, деп хабарлайды Almaty-akshamy.kz.
«БМЖ-3050» жобасының аясында өткен жылы қозғалысы едәуір жоғары көшелерде, азаматтар көп жиналатын орындарда 327 «Бейнемониторинг жүйесін» орнату аяқталды.
Биыл Алматы қаласы бойынша бейнемониторинг жүйесі камераларының жалпы саны 6000-ға дейін көбейтіледі, оның ішінде шамамен 300 бейнемониторинг жүйесі Алатау ауданында орналасатын болады.
Көше жарығымен толыққанды қамту үшін өткен жылы Алатау ауданының жарық жартылай орнатылған 513 көшесі мен 31 жарық жоқ аулалары бойынша жобалау-сметалық құжаттама әзірленді. Оның ішінде 2022 жылы 135 көшеде сыртқы жарық орнату жұмыстары басталды, олар ақпан айының аяғына дейін аяқталады.