Жолаушылар пойыздарында қызмет көрсету сапасын жақсарту мақсатында биыл 140 жаңа жолаушылар вагонын жеткізу жоспарлануда.
Rail-news.kz мәліметіне сай, бұл өткен жылмен салыстырғанда 22 вагонға артық, деп хабарлайды Almaty-akshamy.kz.
деп хабарлайды
Көлік министрлігінің мәліметінше, жоспарланған көлемнің 50 бірлігі жеткізілді, бірінші жарты жылдықтың соңына дейін тағы 12 вагон жеткізіледі деп күтілуде. Бұл вагондар келесі бағыттар бойынша қызмет көрсетеді:
- Қызылорда - Семей
- Павлодар - Алматы
- Ақтөбе - Атырау
- Алматы - Сарыағаш
Ал, жыл соңына дейін келесі бағыттар бойынша вагондар жаңартылады:
- Павлодар - Түркістан
- Қарағанды - Самара
- Қарағанды - Омбы
- Қостанай - Алматы
Сондай-ақ, 20-ға жуық вагондардың жылжымалы құрамындағы моторлы вагондардың келуі күтілуде. Олар келесі бағыттар бойынша бөлінеді:
- Ерейментау - Астана
- Ерейментау - Көкшетау
- Теміртау - Ағадыр
Вагондар отандық өндірушіден алынған. Олар барлық заманауи талаптарға сай келеді. Ауаны баптау және бейнебақылау жүйесі, циркуляциялық ауаны залалсыздандыру құрылғылары, дәретханалар, мобильді құрылғыларды/гаджеттерді қайта қуаттауға арналған USB порттары және әр орынның жанында жеке жарықтандыру бар. Микротолқынды пештермен, тоңазытқыштармен, ауыз су диспенсерлерімен және қайнатқышпен жабдықталған.
Штабтық вагондарда мүмкіндігі шектеулі азаматтарға арналған купелер бар.