Цифрлық валюта алғаш рет өзінің тарихи рекордын жаңартып, 90 мың долларлық межені еңсерді, деп хабарлайды aqshamnews.kz
Бұл өсу қарқынын көптеген сарапшылар Дональд Трамптың АҚШ президенті болып сайлануымен байланыстырады. DW хабарлауынша, Трамп сайлау алдындағы кампаниясында майнинг пен криптовалюта айналымына реттеуді енгізбейтінін уәде етті.
Франкфурт қаржы және менеджмент мектебінің блокчейн орталығының директоры Ко-Пьер Георг атап өткендей, АҚШ-тың бағалы қағаздар және биржалар жөніндегі комиссиясы (SEC) жақында биткоинге инвестиция жасайтын 11 биржалық қордың (ETF) іске қосылуын мақұлдады.
Георгтың пікірінше, SEC басшысы Гэри Генслер криптовалюта айналымын реттеуге ниетті болғанымен, Трамп комиссияның құрылымын қайта қарастыруға ұмтылады.
Digital Euro Association басшысы Йонас Гросс биткоинның жаңа актив класы ретінде беделін нығайтқанын айтады.
«Бірқатар зейнетақы қорлары биткоинға инвестиция салуды бастады, және менің ойымша, суверендік қорлардың бұл бастамаға қосылуы уақыт мәселесі ғана. Сол кезде криптовалюта нарығы мүлдем жаңа деңгейге шығады», — деп болжайды Гросс.
The Pragmatic Investor инвестициялық компаниясының бас экономисі Джеймс Форд криптовалюта бағасының 102 000 долларға дейін өсуін күтуде және бұл көрсеткішке 2024 жылдың ақпан айына дейін жететінін айтады.