Бірыңғай уақыт белдеуіне көшу бастамашысы қазақстандықтардың тап болған қиындықтарын мойындады
Бірыңғай уақыт белдеуіне көшуге байланысты қоғамда әртүрлі пікірлер туындады. Бұл шешімнің бастамашысы, Мәжіліс депутаты Еркін Әбіл, бірыңғай уақытқа көшуде қазақстандықтардың бірқатар қиындықтарға тап болғанын мойындады, деп хабарлайды aqshamnews.kz
Сонымен қатар, мәжілісмен бұл мәселеге байланысты көзқарастардың әртүрлі екенін атап өтті.
«Мыңдаған қазақстандықтар үкіметтің шешімін қолдап отыр. Кейбір қиындықтардың бар екендігімен келісемін, және осы мәселелерді, оның ішінде оқу және жұмыс уақытының реттелуін талқылауға дайынбыз. Біз жергілікті әкімдіктерге ұсыныстар беріп, оларға өз шешімдерін қабылдау құқығын қалдырдық... Жұмысымызды жалғастырамыз. Шығыс Қазақстан туралы айтар болсам, иә, облыстың жартысы табиғи UTC+5 белдеуінде, ал екінші жартысы UTC+6 белдеуінде. Бұл мәселеге қатысты талқылауды жалғастырамыз», – деді Еркін Әбіл.