Сауд Арабиясы билігінің мәліметінше, өткен аптада Пайғамбар мешітіне бес миллионнан астам адам құлшылық еткен.
Бұл жайындаaqshamnews.kz islam.kz порталына сілтеме жасай отырып хабарлайды.
Дәлірегі, Пайғамбар мешітінің істері жөніндегі бас дирекцияның хабарлауынша, өткен аптада Мәдина қаласының қасиетті орнында 5 410 089 намаз оқыған. Мәдина мешітінің жамағаты мен меймандарынан 477 245 мүмін Пайғамбар мен сахабаларының қабірін зиярат етсе, мешіт аумағында орналасқан ар-Рауда мүбәрәк жерінде 230 823 адам намаз оқыды. Өткен аптада Мәдина қонақтарына барлығы 1570 тонна зәмзәм суы таратылса, ораза ұстағандарға 142 352 ауызашар таратылды.