Бұл ауқымды іс-шара ЮНЕСКО аясында өткізіліп, 32 мемлекеттен келген 53 жас делегатты жинайды.
2024 жылдың 13 тамызында сағат 09:00-де Алматы қаласында орналасқан UN Plaza ғимаратында (Байзақов көшесі 303) Қазақстанның Дүниежүзілік ЮНЕСКО клубтары мен қауымдастықтары Федерациясында төрағалық ету аясында «Білім беруде жасанды интеллектті қолданудың этикасы» тақырыбында Үшінші Халықаралық ЮНЕСКО Моделі өз жұмысын бастайды, деп хабарлайды aqshamnews.kz
Соңғы жеті жыл ішінде ЮНЕСКО Моделі Федерацияның ең ірі білім беру жобаларының бірі ретінде халықаралық деңгейге дейін кеңейіп, әлемнің түкпір-түкпірінен келген жастардың пікір алмасуының тұрақты алаңына айналды.
Іс - шараның басты мақсаты-ЮНЕСКО-ның жаһандық сын-қатерлер мен қатысушылар арасындағы негізгі басымдықтар саласындағы жұмысы туралы білімі мен түсінігін тереңдету.
«Білім беруде жасанды интеллектті қолданудың этикасы» тақырыбындағы Үшінші Халықаралық ЮНЕСКО Моделі, Алматыдағы ЮНЕСКО-ның Өңірлік кеңсесімен бірлесіп Казақстандық Ұлттық ЮНЕСКО клубтарының Федерациясының ұйымдастырылуымен өтеді. Жоба Қазақстан Республикасының ЮНЕСКО және ИСЕСКО істері жөніндегі ұлттық комиссиясының және «Шымбұлақ» тау курортының қолдауымен жүзеге асырылуда.