Денсаулық сақтау басқармасының хабарлауынша, 5 адам зардап шекті.
Жезқазғанда 5 жасар бала өтіп бара жатқан 5 адамды көлікпен қағып кетті, деп аlmaty-akshamy.kz qumash_kz парақшасына сілтеме жасап хабарлайды.
Оқиға «Гранд Палас» ресторанның жанында болған көрінеді. Көлік тізгініне отырған 5 жасар бала көлікті қол тежегішінен алып тастаған. Салдарынан көлік артқа жүріп кетіп, 5 жаяу жүргіншіні қағып кеткен.
«Аталған факті полицияда тіркелді. ЖКО салдарынан көз жұмғандар жоқ. Осыған қарамастан, түрлі дене жарақаттарын алған 4 жаяу жүргінші ауруханаға жатқызылды. Тиісті сараптамалар тағайындалды», - деп мәлімдеді Ұлытау облыстық ПД баспасөз қызметінен.
Денсаулық сақтау басқармасының хабарлауынша, 5 адам зардап шекті. Бәрі тірі. Ішкі ағзалардың түрлі жарақаттары бар үш әйел адам амбулаториялық-емханалық емдеуде, ал төрт қабырғасы сынған ер адам травматология бөліміне жатқызылды.
Сонымен қатар, зардап шеккендердің арасында бала бар, ол бас жарақатымен ауруханаға жеткізілді. Бірақ Денсаулық сақтау басқармасында бұл көлікте болған бала ма, жоқ па, оны айтпады.