БМемлекет басшысы Қасым-Жомарт Кемелұлы Тоқаев Ұлттық құрылтайдың IV отырысында қоғамымыз үшін аса маңызды ойларымен бөлісті. Президентіміз «Адал азамат тұжырымдамасының» мәні мен маңызын атап өтіп, патриоттық рухта тәрбиеленген, білімді әрі жасампаз ұрпақ қалыптастырудың қажеттігін ерекше назарға алды.
Бұл – баршамыз үшін нақты бағдар.
⠀
Әділетті қоғам құру – заңды терең түсінетін, жауапкершілікті сезінетін және өз елінің болашағына бейжай қарамайтын азаматтардың қолында. Сондықтан да дұрыс тәрбие мен заңға құрмет – мемлекет тұрақтылығының, халық сенімінің кепілі.
Бүгінгі ұрпақ – ертеңгі ел тұтқасы.
⠀
Сол себепті біз бар күш-жігерімізді заң үстемдігін қамтамасыз етуге, құқықтық мәдениетті арттыруға, және балалар мен жастар арасында адалдық пен әділдік қағидаттарын насихаттауға бағыттауымыз қажет.
🔹 Адал азамат – елдің тірегі.
🔹 Заңға адалдық – мемлекетке сенім.
Бұл бағытта прокуратура органдары өз міндетін зор жауапкершілікпен атқара береді.