«Береке» микроқаржы ұйымының қожайыны АҚШ-тың санкциялық тізіміне түсіп қалды.
Ресейлік Экспобанк АҚШ қаржы министрлігінің санкциялық тізіміне енді. Ал банктің қожайыны – Игорь Ким. Ол біздің елдің кәсіпкері, деп хабарлайды аlmaty-akshamy.kz.
Оның иелігінде «Сейф-Ломбард» және «Береке» деген микроқаржы ұйымы бар. Осы «Береке» қаржы ұйымы банкке айналуға ұмтылыс жасап жатқан еді.
Бұрын Кимнің «ЭкспоКредит» деген банкі болған, кейін оны сатып жіберген-тін. Ал өзі жеке санкциядан құтылып кеткенін білеміз.
Қазір реттеуші орган «Берекенің» банкке айналу өтінішін қарап жатыр. Жаңа банкке Safe Bank деген атау бермекші әрі оның бас кеңсесі Алматыда орналаспақ.