Шымкентте судьялық әдеп жөніндегі комиссия қала әкімінің орынбасары Руслан Берденовке қастандық жасау ісі бойынша процесті жүргізген судья Әбинұр Қарабаевқа қатысты шешім қабылдады, деп хабарлайды Aqshamnews.kz тілшісі Tengrinews.kz-ке сілтеме жасап.
Шымкент қалалық сотының баспасөз қызметі хабарлағандай, тексеру материалдары республиканың Жоғары сот кеңесі жанындағы сот алқасына жолданды.
"Судьялық әдеп жөніндегі комиссия судья Әбинұр Қарабаевқа қатысты тексеру материалдарын Қазақстанның Жоғары сот кеңесі жанындағы сот алқасында мәні бойынша қарауға жіберу туралы шешім қабылдады. Бұл шешім әлі заңды күшіне енген жоқ, судья Қарабаев оған қарсы шағым түсіре алады", – делінген хабарламада.