Белгілі ақын, жазушы, журналист, Қазақстанның еңбек сіңірген қайраткері Сәуле Досжан республикалық референдумға қатысты, – деп хабарлайды aqshamnews.kz тілшісі.
Ол Алматы қаласының Әуезов ауданында орналасқан №584 референдум учаскесінде дауыс берді.
Жазушының айтуынша, референдум секілді қоғамдық-саяси оқиғалар ел болашағын айқындауда ерекше рөл атқарады. Сәуле Досжан референдум азаматтарға ұстанымын білдіріп, мемлекет дамуына үлес қосуға мүмкіндік беретін маңызды демократиялық тетік екенін атап өтті.
«Қоғамдағы әрбір маңызды шешім адам өміріне тікелей әсер етеді. Сондықтан осындай жауапты сәтте әр азамат белсенділік танытып, таңдау жасауға тиіс. Бұл елдің болашағы үшін бәрімізге ортақ жауапкершілік», — деді ол.