Еркін күрестен Азия чемпионы (2014) және Азия ойындарының күміс жүлдегері (2014) Расул Қалиев Алматы қаласы бойынша күрес федерациясының еркін күрес бөліміне жауапты болып бекітілді.
Қазақстан құрамасы сапында халықаралық ареналарда өнер көрсеткен Расул Қалиев кейін бапкерлік қызметке ауысқан. Енді ол Алматы қаласындағы еркін күрес саласын дамытуға атсалысатын болады.
Айта кетейік, Расул Қалиев 1991 жылы бұрынғы Семей облысының Жарма ауданында дүниеге келген. Ол Азия чемпиондығымен қатар, 2013 жылы Нью-Делиде қола жүлдеге қол жеткізген.