Кездесуде көлік және транзиттік жүк тасымалы саласындағы ынтымақтастық мәселелері талқыланды.
ҚР Индустрия және инфрақұрылымдық даму министрі Бейбіт Атамқұлов Қырғызстанның Төтенше және Өкілетті елшісі Дастан Дүйшекеевпен кездесті, деп хабарлайды Almaty-akshamy.kz
Кездесуде көлік және транзиттік жүк тасымалы саласындағы ынтымақтастық мәселелері талқыланды. Атап айтқанда, «Қытай-Қазақстан-Қырғызстан» бағыты бойынша транзиттік жүктердің кедергісіз өтуі, елдеріміз арасындағы әуе рейстерінің санын арттыру, сондай-ақ транзиттік теміржол жолаушылар тасымалын жаңғырту мүмкіндігі қарастырылды.
Анықтама: 2021 жылдың 9 айында Қазақстанның темір жолы арқылы транзитпен жүк тасымалдау көлемі 2% (немесе 53,91 мың тоннаға) артып, 2 млн.400 мың тоннаны құрады (2020 жылдың сәйкес кезеңінде - 2 млн. 347 мың тонна). 2020 жылы Қытайдан Қырғызстан бағытында транзиттік жүктерді тасымалдау көлемі 226,6 мың тоннаны құрады. 2021 жылғы 9 айда ол көрсеткіш 41% ұлғайып, 221,9 мың тоннаға жетті (2020 жылдың сәйкес кезеңінде - 157,6 мың тонна).
Қазақстан мен Қырғызстан арасында аптасына 9 әуе рейсі орындалады. Қазіргі уақытта аптасына 7 рет Алматы – Бішкек және аптасына 2 рет Түркістан – Бішкек бағыттарында тұрақты әуе рейстері қатынап жүр.