Белгілі әнші Тамара Асар өгей ұлы Әлішердің қазасына арнап жүрекжарды өлең жариялап, қалың жұртты жылатты, - деп хабарлайды Аqshamnews.kz тілшісі. Өлең жолдарын өнерпаз Instagram парақшасында жариялады.
Пост астындағы пікірлер бөлімінде мыңдаған адам қайғыға ортақтасып, көңіл айтып жатыр.
"Өндірдей болған өренім
Бауырыма басқан “БӨЛЕГІМ”
Құлағыңа сенің жетті ме,
Қапыда шыққан өлеңім…
Жұртшылық келдің жиылып,
Жұбатып жаттың қиылып.
Жұмаштың парлап көз жасы
Жүрегіме толды-ау құйылып.
Әлішер кеттің шалғайға,
Сен қайда бүгін, мен қайда?
Торқадай болып топырағың,
Иманың жолдас болғай да.
Дұғада күнде отырмын
Талай да әлі оқырмын.
Қаңқу сөз “ӨГЕЙ” десе де
Қайырын сұрап отырмын", - деген өлең жолдарын жариялады ол. Сонымен қатар қолдау білдірген жандарға алғысын айтты.
"Қиындықта қасымызда болып,алыстан-жақыннан көңіл айтып,қиындық бөліскен әрбір жанға бас иіп,рахметімізді айтамыз. Алланың ісіне шара жоқ,артының қайырын сұраймыз. Құдайдан үмітіміз бар. Жақсы күндер көп болсын. Жастар аман болсын",- деп жазды Тамар Асар.
Еске салайық, әнші Тамара Асардың жолдасы Жұмаш мырзаның алғашқы некесінен туған ұлы Әлішер (22 жаста) Ақтөбеде досының үйлену тойына барған кезде көлік қағып, қаза тапқан болатын.