Қатты жел тұрып, айналаны апай-топай етті
Сондай-ақ Орал қаласының кейбір ықшам аудандарында су жоқ. Бұған табиғаттың мінез танытуы себеп, деп хабарлайды Almaty-akshamy.kz.
Хабар 24-тің мәліметінше, өңірде ауа температурасы 5 градус суық. Қатты жел тұрып, айналаны апай-топай етті. Қолайсыз күн райы коммуналдық желілерге зақым келтіріп жатыр. Қазірдің өзінде Ақжайық, Бәйтерек, Тасқала, Бөрлі, Жәнібек, Жаңақала аудандары және Орал қаласының тең жартысы жарықсыз отыр.
«Апатты жою жұмыстары жүргізіліп жатыр. Электр желілеріне жауапты компания тарапынан 32 адам мен 15 арнайы техника жұмылдырылды»,-дейді БҚО ТЖД баспасөз қызметі.
Сонымен қатар облыс орталығының кейбір шағын аудандарында ауыз су тоқтап қалды.
«Қолайсыз ауа райы салдарынан жерасты сутартқысының сорғы станцияларындағы кернеудің төмендеуіне байланысты сорғылар бұзылды. Қалалық су құбыры желілеріндегі қысым төмендеді. Қазіргі уақытта жөндеу жұмыстары жүргізілуде»,-дейді Орал қаласының сумен қамту кәсіпорыны.