Желіде Руслан Берденовке қастандық жасау ісін қараған судьяның оғаш қылығы тарады. Бұл видеоны қазақстандық журналист Ботагөз Омарова бөлісті, - деп хабарлайды Аqshamnews.kz тілшісі.
Оқиға Шымкентте болған. Судья Әбинұр Қарабаев журналистке қарап, камераға тілін шығарған. Оның мұндай әрекетке не себепті барғаны белгісіз.
"Қарабаевқа не болды? Бұл әрекетке не себеп болды? Бәрі дұрыс па? Бұл мені алаңдатып қойды", – деді Омарова.
Сондай-ақ, ол әріптестерінен судьяның басқа жағдайларда да осындай қылық танытқан-танытпағанын сұрады.
Еске салайық, Шымкентте қала әкімінің орынбасары Руслан Берденовке қастандық жасаған күдіктіге қатысты сот отырысы жалғасып жатыр. Прокурор айыпталушыға 11 жыл 3 ай тағайындауды сұрады.