Кейін прокурор Хаменованы 7 жылға бас бостандығынан айырып, дүние-мүлкін тәркілеуді сұраған еді
Атырау облысы әкімінің бұрынғы орынбасары Бақытгүл Хаменова соттан өзін ақтауды сұрады. Атырау қаласының №2 сотында соңғы сөзін сөйлеген ол қылмыстық оқиғаға еш қатысы жоқ екенін алға тартты, деп хабарлайды Almaty-akshamy.kz Almaty.tv-ге сілтеме жасап.
Еске сала кетсек, экс-шенеунікке былтыр желтоқсан айында «алдын ала келісім бойынша пара алды» деген айып тағылып, үйқамаққа алынған. Кейін прокурор Хаменованы 7 жылға бас бостандығынан айырып, дүние-мүлкін тәркілеуді сұраған еді.
«Менің айғақтарым бойынша сот Рысқалиев пен Адамовқа жеке қаулы шығаруы керек. Соның нәтижесінде осы қылмыстық істі бұрмалағандарға қатысты қылмыстық іс қозғалуы тиіс. Менің бұл іске қатысым жоқ», – деді Атырау облысы әкімінің бұрынғы орынбасары Бақытгүл Хаменова.