Президентіміз 29 тамызды Қаралы күн деп жариялады. Әрине, бұл дұрыс шешім. Өздеріңіз білетіндей, Жамбылдағы жарылыстан қаза тапқандар саны он үш адамға жетті. Ал зардап шеккендері 90-нан асты. Тіпті, аналардың кейбірі ауруханалардың алдын торуылдап, балаларының тірі қалғанына қуануда.
Осыдан екі жыл бұрынғы Арыс оқиғасы әлі есімізден кете қоймаған болар. Тараздағы жарылыс елдің еңсесін түсірді. Сол кезде, мұндай жағдай қайталанбайды деп үміттенген едік, алайда қайталанды.
Тосыннан пайда болған опат он үш отбасының қабырғасын қайыстырып, жақындарынан айырды. Менің ойымша, осы оқиғаларға кінәлілер жазаланып, өз олқылықтарынан сабақ алуы қажет.
Алдағы уақытта сақтық шараларын мықтап ұстанып, бірлігімізді бекем ұстауымыз қажет.