Алматының БАҚ өкілдерінен құралған командалар қала күніне орай боулингтен турнирге қатысты
Алты редакцияның журналистері мен Алматы қаласының баспасөз хатшылары боулингтен жарысқа түсті.
Іс-шара қаладағы клубтардың бірінде Өңірлік коммуникациялар қызметінің бастамасымен ұйымдастырылды, деп хабарлайды Almaty-akshamy.kz.
Турнирге ТМД және Еуропа елдері турнирлерінің жүлдегері, ҚР спорт шебері Махмұт Ысқақов төрелік етті. Ол журналистерге классикалық боулинг ережелерін түсіндірді. Бұл жолы Alash media group, «Неделя спорта», «Nur.kz» ақпараттық агенттіктерінің, «Алматы» телеарна, «Вечерний Алматы» және «Алматы ақшамы» газеттерінің журналистері, сондай-ақ баспасөз хатшыларының құрамасы камера, диктофон, қойын дәптерлері мен қаламдарын салмақты шарларға ауыстырды.
Бес сағат бойы боулинг әуесқойлары спорттық ойынға қатысып, боулинг кегельдерді қағып, ұпай жинады. Алматы қаласының Өңірлік коммуникациялар қызметінің басшысы Балсұлу Алекенова атап өткендей, боулинг бойынша турнир алғаш рет өткізіліп отыр, биыл ол алдағы қала күніне арналған.
«Былтыр бильярд турнирін өткізу кезінде бізде боулинг жарыстарын өткізу идеясы пайда болды. Көптеген журналистер боулингті жақсы ойнайтындарын айтқан болатын. Біз 2023 жылы БАҚ арасында достық турнирін өткізуді шештік. Сондай-ақ, осы сенбіде журналистер мен блогерлер арасында футболдан турнир өткізу жоспарлануда. Осылайша, журналистер бейресми жағдайда кездесуге мүмкіндік алады, спорттың дамуына ықпал етеді, жағымды эмоциялар алады және жұмыстан сәл де болса бас алып, әріптестерімен танысуға мүмкіндік алады», - дейді Б.Алекенова.
Тәжірибелі судьяның қадағалауымен алғашқы ойындар марапаттар үшін күрес маңызды болатынын көрсетті. Барлығы страйк алуға тырысты және бұл көбінің қолынан келді.
Ойналған фреймдердің қорытындысы бойынша орындар келесідей бөлінді:
1 орын - Alatau Aqparat, 2 орын - "Алматы" телеарнасы, 3 орын - "Неделя спорта". Үздік ойыншылар Аида Амиркулова, "Алматы" телеарнасы, Нурлан Абилдин, Alatau aqparat.
Турнир жүлдегерлері дипломдар мен сыйлық сертификаттарын алды.