ҚР Мәжіліс депутаты Ермұрат Бапи Алматы-Пхукет бағытындағы ұшақта өзін жайсыз сезініп оған медициналық көмек көрсетілді. Рейс кезінде депутаттың қан қысымы кенеттен түсіп кеткен, деп хабарлайды aqshamnews.kz
Абырой болғанда жолаушылар арасынан дәрігер табыла кетіп, ол дереу Бапиға көмек көрсеткен. Бортсеріктер ұсынған кофеден соң Ермұрат Бапидің жағдайы қалыпқа келген.
«Уайымдаудың қажеті жоқ, ешқандай маңызды жағдай болған жоқ», — деп мәлімдеді мәжіліс депутаты. Ол сондай-ақ ұшақты шұғыл қондыру туралы әңгіме болмағанын атап өтті.
Ұшақ Пхукетке кідіріссіз сәтті қонды.
Естеріңізге сала кетсек бұған дейін Ермұрат Бапидың уланбағаны туралы жазған едік.