Астанадағы Азия чемпионатында жеңіске жеткен балуандарға қанша сыйақы беріледі? Бұл сауалға Мәдениет және спорт министрлігі Спорт және дене шынықтыру істері комитеті төрағасының орынбасары Айгүл Бектенова жауап берді, деп хабарлайды Аlmaty-akshamy.kz ҚазАқпарат-қа сілтеме жасап,
«Бұл жарыста үш күрес түрінен еліміздің намысын 30 спортшы қорғайды. Олардың орта жасы грек-рим күресінен – 29 жас, әйелдер күресінен – 25 жас және еркін күрестен – 24 жас болып келеді», - деді комитет өкілі Орталық коммуникациялар қызметінде өткен брифингіде.
Сондай-ақ, ол чемипонат жүлдегерлеріне берілетін ақшалай сыйлықтың көлемін атады.
«Азия чемпионатынан бірінші орын алған спортшыларға 2 300 доллар, екінші орын алғандарға 1 400 доллар және үшінші орын алған спортшыға 900 доллар сыйақы қарастырылған. Осындай сыйақы жаттықтырушыларға да берілмек. Сонымен қатар, «Халықаралық дәрежедегі спорт шебері» деген атақ қарастырылған.