Бұл туралы мегаполис әкімі Алмалы ауданының тұрғындарымен кездесуде айтты.
Тұрғынның сұрағы:
Менің балам спорттағы дарынды балаларға арналған мамандандырылған мектеп-интернатта оқиды. Бұл нысан жөндеуді қажет етеді, осы мәселеге назар аударуды сұраймыз
Алматы әкімі Ерболат Досаевтың жауабы:
Алматыда балалар спортына жағдай жасауға ерекше көңіл бөлінеді. Біз қазір спорт мектептерінің инфрақұрылымын жаңарту бойынша жұмысты жоспарлы түрде бастадық және жобалар дайын болған кезде оларды іске асыратын боламыз. Келесі үш жыл ішінде біз мұны белсенді түрде жасаймыз. Өткен жылдан бастап біз осы саланы қаржыландыруды ұлғайттық, жас спортшылардың жарыстарға қатысуға арналған шығындарды қостық. Чемпиондар бірден тумайды, бәрі мектептен басталады, сондықтан бұл мәселе біздің басымдығымыз болып табылады.
Құрылыс басқармасының басшысы Алмас Шабдарбаевтың түсініктемесі:
Алмалы ауданындағы мамандандырылған мектепке қатысты жобамен айналысып жатырмыз. Келесі жылдың мамыр айында мемлекеттік сараптама шығады деп жоспарлап отырмыз, ал маусым айында қолданыстағы ғимаратты бұзып, жаңа ғимараттың құрылысын бастаймыз.