Алматы қаласының Қылмыстық-атқару жүйесі департаментіне қарасты №11 мекемеде тәрбие бөлімі қызметкерлерінің ұйымдастырумен Адам құқығы күні аталып өтті.
Аталған іс-шараға Жетісу ауданы Прокуратурасының аға прокуроры Нұрасыл Оразғали және Алматы қаласы Әділет департаменті әкімшілік бөлімінің бас маманы Еркін Бордаханов қатысты.
Кездесудің мақсаты – жастарға құқықтық жауапкершіліктің маңыздылығын насихаттау. Сондай-ақ, құқықтық тәрбие туралы, кәмелетке толмағандар арасында заң қағидаттарын түсіндіре отырып, олардың білімін жетілдіру, жасөспірімдердің жамандыққа ұрынып қалмай, өз құқығын қорғай алатынын және қауіпсіз ортаны өздері де қалыптастыра алатынын түсіндіру.
«Бұл күн – халықаралық адам құқығының тұңғыш дүниежүзілік актісі. Құжатта алғаш рет әрбір адамға қатысты негізгі құқықтар мен бостандықтар 30 бап түрінде жүйеленіп көрсетілді. Декларацияда ұлтына, тұратын жеріне, жынысына, этникалық шығу тегіне, тіліне, дініне немесе өзге де жағдайына қатысты қандай да бір айырмашылықсыз бәрімізде бар негізгі құқықтар мен бостандықтардың кең тізбесі бекітілгенін. Демек, біз қандай жағдайда да ең құқылымыз, қорғалуға тиіспіз және заң мен тәртіп алында да жауапкершілікті тең арқалаймыз», – деді Әділет департаменті әкімшілік бөлімінің бас маманы Еркін Бордаханов.