Жас қазақстандықтар көбінесе ойын-сауық видеоларын көреді, ойнайды, оқиды және достарымен хат жазысады.
«Касперский зертханасының» 2022 жылдың бірінші тоқсанындағы зерттеуінің нәтижесі бойынша, Қазақстанда балалар YouTube желісін жиі қолданады, деп хабарлайды Almaty-akshamy.kz
Компания таратқан мәліметке сәйкес, бүгінде балалар арасында кеңінен танымал 10 қосымша бар. Үш айдың ішінде барлық уақыттың 30 пайызы YouTube-ке кеткен. Одан кейінгі орындарда WhatsApp (18%) пен TikTok (17%) тұр.
Алдағы уақытта балалар интернетте одан да көп отырады. Себебі жазғы уақытта трафик көбейеді. Балалар ойын-сауық видеоларын көреді, ойнайды, оқиды және достарымен хат жазысады. Осыған байланысты «Касперский зертханасы» балалалардың онлайн қауіпсіздігін қамтамасыз етуге кеңес беріп отыр. Бүгінде арнайы техникалық құралдардың арқасында баланың интернетте қанша уақыт отырғанын біліп отыруға болады. Сондай-ақ қажетсіз контентке шектеу қоюға мүмкіндік бар.
«Ал бала қалада жалғыз өзі жүрсе, геолокацияның көмегімен жүрген жерін бақылап отыруға болады», - дейді мамандар.
Айта кетері, бұған дейін Қазақстанда TikTok қолданушыларының саны 7 миллион адамнан асты деген ақпарат тарады.